Langue Étrangère - Adulte:
Unité 2 > Leçon 1
צוריק אין שול > דער ערשטער טאָג אין שול
Retour à l’école > Le premier jour de classe
- Dans cette partie, le plan de l'unité entière est détaillé pour les 4 leçons qui composent cette unité.
- Le plan accompagne l'enseignant tout au long de l’unité. Il permet de situer chaque module par rapport à l’ensemble de l'unité.
- La durée de chaque module est donnée à titre indicatif, elle peut varier en fonction de la classe; le temps de correction n'y est pas inclus.
- Il est toujours conseillé de travailler en groupe ou en binôme.
- Les réalisations individuelles sont à partager avec le groupe pour tirer le plus grand profit de l’enseignement.
צווייטער איינס: צוריק אין שול
פּלאַן פֿון דער לעקציע
Objectifs - צילן
באַקענען זיך מיטן קלאַס, באַנוצן זיך מיטן פּראָנאָם עס און מיט דעם אידיאָם עס איז דאָ / עס זענען דאָ.
פֿאַרשטיין און ענטפֿערן אויף די פֿראַגעס.
סטרוקטור פֿון דער לעקציע
הענגט אויף אויפֿן טאָוול די נײַע ווערטער מיט די פּאַסיקע בילדער, ווענדט זיך צו יעדער תּלמידה מיט דער פֿראַגע: וואָס איז דאָס? שרײַבט אָן אויפֿן טאָוול יעדן נײַעם זאַץ: דאָס איז אַ.... / דאָס זענען...
זיך צוהערן און לייענען דעם שמועס, לאָזן די תּלמידות שמועסן צווישן זיך. באַאַרבעטן די נײַע ווערטער. זיך אַרויסהעלפֿן מיטן ווערטער־אוצר.
צוגיין צו דער גראַמאַטיק אינדוקטיוו, די תּלמידות זאָלן אַליין דערגיין צום כּלל. מאַכן די אויפֿגאַבעס בעל־פּה, און בכּתבֿ, זיך רעקאָרדירן אין צווייען און אויסשפּיִלן פֿאַרן גאַנצן קלאַס.
שפּיל: כאַפּ דאָס וואָרט. מע זאָגט אַ נײַ וואָרט, יעדער איינער דאַרף אָנרירן דעם חפֿץ וואָס שנעלער און אויסשרײַען: דאָס איז… / דאָס זענען…
קולטור־ווינקל: די חשיבֿות פֿון לימוד בײַ ייִדן.
פּלאַן פֿון דער לעקציע
Objectifs - צילן
באַקענען זיך בעסער מיטן לעבן אין קלאַס און אָנטייל נעמען אינעם DESIGN אויסשטעל פֿונעם קלאַס.
פֿאַרברייטערן דעם ווערטער־אוצר.
פֿאַרשטיין און ענטפֿערן אויף די פֿראַגעס.
סטרוקטור פֿון דער לעקציע
זיך צוהערן און לייענען דעם שמועס, לאָזן די תּלמידות שמועסן צווישן זיך. באַאַרבעטן די נײַע ווערטער. זיך אַרויסהעלפֿן מיטן ווערטער־אוצר.
מאַכן די אויפֿגאַבעס בעל־פּה און בכתבֿ.
קולטור־ווינקל: אידיאָמאַטישע אויסדרוקן.
פּלאַן פֿון דער לעקציע
Objectifs - צילן
באַקענען זיך מיט די ווערבן און די גלידער וואָס מע באַנוצט אין קלאַס כּסדר, צוגעבן דעם פּראָנאָם מען, פֿאַרברייטערן דעם ווערטער־אוצר.
שטעלן און ענטפֿערן אויף די פֿראַגעס.
סטרוקטור פֿון דער לעקציע
יעדער תּלמידה באַקומט אַ צעטל מיט אַ ווערב, אויסצושפּילן פֿֿאַרן קלאַס מיט פּאַנטאָמימע דעם באַטײַט פֿונעם וואָרט. דער קלאַס דאַרף טרעפֿן דעם ווערב.
די לערערקע פֿרעגט מיט וועלכן גליד מאַכט מען די פּאַסיקע פּעולה.
מע באַנוצט זיך מיטן פּראָנאָם: מען.
זיך צוהערן און לייענען דעם שמועס, לאָזן די תּלמידות שמועסן צווישן זיך. באַאַרבעטן די נײַע ווערטער. זיך אַרויסהעלפֿן מיטן ווערטער־אוצר.
מאַכן די אויפֿגאַבעס בעל־פּה און בכּתבֿ, לאָזן די תּלמידות אויסשטעלן דעם קלאַס לויט זייער פֿאַנטאַזיע און ווײַזן פֿאַרן גאַנצן קלאַס.
שפּיל: צוקלעפּן צעטעלעך מיט די נעמען פֿון די גלידער.
לידעלע: קאָפּ -אַקסלען...
קולטור־ווינקל: חדר פֿאַר מיידלעך
פּלאַן פֿון דער לעקציע
Objectifs - צילן
באַקענען זיך מיטן לעבן אין קלאַס.
די טעקע און דאָס שריײַבקעסטל.
און נאָך ווערבן וואָס מע באַנוצט אין קלאַס כּסדר.
פֿאַרברייטערן דעם ווערטער־אוצר.
פֿאַרשטיין און ענטפֿערן אויף די פֿראַגעס.
סטרוקטור פֿון דער לעקציע
מע הייבט אָן מיט איבערחזרן די פֿריִערדיקע געלערנטע ווערטער. תּמיד אין זאַצן.
זיך צוהערן און לייענען דאָס מעשׂהלע, לאָזן די תּלמידות לייענען אויף אַ קול אויף אַ דערציילישן אויפֿן און גלײַכצײַטיק עס אויסשפּילן.
באַאַרבעטן די נײַע ווערטער. זיך אַרויסהעלפֿן מיטן ווערטער־אוצר. מאַכן אַ סדר אין קלאַס און דרך־אַגבֿ אַרײַנפֿירן די פּאָסעסיווע פּראָנאָמען. שליסן דעם איינס מיט אַ בעל־פּה־קאָנטראָל. .
לייענען: אויף אַ קול די אויפֿגאַבע: לאָמיר מאַכן אַ סדר. ווײַטער מאַכן אַ סדר אין קלאַס, זיך אַרומקוקן אַרום זיך און אויסרופֿן יעדער זאַך וואָס איז נישט אויף איר אָרט.
מאַכן די אויפֿגאַבעס בעל־פּה און בכתבֿ.
קולטור־ווינקל: ייִדיש־לימוד הײַנט צו טאָג.
- La vidéo sous-titrée est accompagnée de la transcription du texte permettant à l'enseignant de suivre le déroulement de la leçon.
- L'enseignant trouvera des encadrés visuels en gris avec des consignes et actions à réaliser pendant le cours.
Objectifs - צילן
אין דער לעקציע פֿאַרברייט מען דעם סדר־הלימוד און דעם ווערטער־אוצר פֿון טאָגטעגלעכן לעבן אין קלאַס.
מע בייגט נײַע ווערבן אין דער איצטיקער צײַט, מע פֿאַרפֿעסטיקט די נײַע ווערטער און די סינטאַקטישע סטרוקטורן.
דער שמועס ווערט געפֿירט אויף לשון־נקבֿה, נאָר פֿאַרשטענדלעך אַז מע קען עס צופּאַסן צו יעדער סיטואַציע. דאָס פֿילמעלע אילוסטרירט דעם גאַנג פֿון דער לעקציע.
Vidéo du cours
דער ערשטער טאָג אין שול
Le premier jour de classe
לעקציע נומער איינס
דער ערשטער טאָג אין שול
דער לימוד אין קלאַס ווערט געפֿירט מיט אַ ריטואַל. באַגריסן דעם קלאַס, פֿאַרשרײַבן אויפֿן טאָוול די דאַטע: הײַנט איז זונטיק... חודש פֿון.. . לעקציע נומער… און איבערזאָגן צוזאַמען. זינגען די לידער, אאַז"וו…איבערחזרן דאָס געלערנטע.
ווען די תּלמידות קומען אַרייַן אין קלאַס זענען אויפֿגעהאָנגען שילדן מיט די נײַע ווערטער אויפֿן פּאַסיקן אָרט.
- די לערערקע :
- גוט־מאָרגן, תּלמידות!
- די תּלמידות:
- גוט־מאָרגן, גוט־יאָר לערערקע!
- די לערערקע:
- קוקט זיך אַרום, וואָס איז דאָ אין אונדזער קלאַס?
ערשטער שטאַפּל: אַנטדעקן
אָנשרײַבן אויפֿן טאָוול
וואָס איז דאָ אין אונדזער קלאַס?
עס איז דאָ אַ….. עס זענען דאָ…..
איינצאָל מערצאָל
| דער זייגער טאָוול טיש |
די ספֿרים־שאַפֿע פּאָליצע מאַפּע |
דאָס בילד שענקל |
די טישן שטולן |
צווייטער שטאַפּל: לאָזן די תּלמידות שטעלן די פֿראַגע:
- תּלמידה:
- וואָס איז דאָס?
- די תּלמידות
- רופֿן אויס: דאָס איז אַ טיר, … דאָס איז אַ פֿענצטער.... דאָס זענען טישן, דאָס זענען שטולן….
אָנשרײַבן אויפֿן טאָוול
וואָס פֿעלט ?
עס פֿעלט אַ מאַפּע עס פֿעלן שטולן
- די לערערקע:
- וואָס פֿעלט אין אונדזער קלאַס?
- די תּלמידה:
- עס פֿעלט אַ שענקל.
- די תּלמידה:
- עס פֿעלט אַ מאַפּע א.אַ.וו..
- די לערערקע:
- עס פֿעלן שטולן?
- די תּלמידה:
- יאָ, עס פֿעלן צוויי שטולן.
דריטער שטאַפּל: זיך צוהערן צום שמועס און לייענען צוזאַמען.
פֿערטער שטאַפּל: מאַכן די אויפֿגאַבעס בעל־פּה און בכתבֿ פּאָרלעכווײַז. אַ שפּיל: כאַפּ דאָס וואָרט: יעדע תּלמידה באַקומט אַ קאַרטל מיט אַ נײַ וואָרט וואָס זי רופֿט אויס און דער קלאַס דאַרף וואָס שנעלער אָנרירן דעם אָביעקט.
- די לערערקע:
- הײַנט באַקענען מיר זיך זייער גוט מיט אונדזער קלאַס.
אַ גוטן טאָג מיידלעך! אַ שיינעם דאַנק!
- Introduire, en groupe, la thématique"Retour à l’école".
- Projeter le diaporama et/ou la vidéo en alternant avec et sans le son.
- Faire répéter la conversation en sous-groupe et corriger.
- Faire connaissance des expressions et chansons sur le thème de l’enseignement. (voir TAB culture).
Vidéo de la conversation
דער ערשטער טאָג אין שול
Le premier jour de classe
שמועס נומער איינס
דער ערשטער טאָג אין שול
אַ שמועס
- די לערערקע:
- גוט־מאָרגן מיידעלעך!
- די תּלמידותּ:
- גוט־מאָרגן, גוט־יאָר לערערקע!
- די לערערקע:
- הײַנט איז מאָנטיק י"ח אלול חודש פֿון תּשובֿה.
לאָמיר זיך באַקענען מיט אונדזער קלאַס.
וואָס איז דאָָ אין אונדזער קלאַס?
עס איז דאָ אַ טיר און אַ פֿענצטער.
עס איז דאָָ אַ טאָוול, אַ ספֿריםֿ־שאַפֿע.
עס זענען דאָ: דרײַ טישן און זעקס שטולן.
עס איז דאָָ: אַ זייגער און אַ מאַפּע.
און וואָס פֿעלט?
- די תּלמידה:
- עס פֿעלט אַ שענקל!
- די תּלמידה:
- עס פֿעלן פּאָליצעס!
- די תּלמידה:
- און אויך בילדער!!
Conversation
Écoute bien afin d'entendre la prononciation, l'intonation et le rythme !
Révision
Teste-toi maintenant en t'enregistrant et en t'écoutant
Diaporama en vidéo
Ce diaporama a été fait en format vidéo (PowerPoint).
- Travail individuel.
- Proposer aux élèves de s’enregistrer et ensuite faire écouter à la classe les enregistrements.
- Vérifier la prononciation.
Le Point Voca de cette leçon
| notre | אונדזער |
| il y a | איז דאָ |
| il y a | זענען דאָ |
| tableau | דאָס בילד - די בילדער |
| horloge | דער זייגער |
| non | ניין |
| bibliothèque | די ספֿרים־שאַפֿע |
| étagère | די פּּאָליצע - די פּּאָליצעס |
| manquer | פֿעלן |
| ça manque | עס פֿעלט |
| casier | דאָס שענקל |
REMARQUE: Les noms sont indiqués au singulier et au pluriel, accompagnés par l'article défini qui permet de connaître le genre (masculin - דער, féminin - די, neutre - דאָס ).
La traduction d'un nom figure seulement au singulier.
Vocabulaire
Écoute bien afin d'entendre la prononciation et l'intonation puis, répète le mot écouté !
Révision
Teste-toi maintenant en t'enregistrant et en t'écoutant
- Faire réaliser les exercices à l’oral et à l’écrit en binôme.
- Si nécessaire, faire un récapitulatif des points grammaticaux et du vocabulaire utilisé.
Exercices Interactifs
Vocabulaire
Exercices Interactifs
Phrases
Cliquez sur le lien ci-dessous pour imprimer ou télécharger cette page d' exercices au format pdf
- Intégrer la grammaire graduellement après la pratique et l’acquisition de la conversation.
- Faire un récapitulatif avant d’aborder les exercices.
Grammaire - גראַמאַטיק & Conjugaison - קאָניוגאַציע
אײנצאָל
| עס איז דאָ + איינצאָל ווערט | עס איז דאָ אַ בוך אין שענקל. |
|---|
מערצאָל
| עס זענען דאָ + מערצאָל ווערט | עס זענען דאָ ביכער אין שענקל. |
|---|
| ס'איז = עס איז | ס'איז דאָ אַ טיש אין קלאַס. |
|---|---|
| ס'זענען = עס זענען | ס'זענען דאָ טישן אין קלאַס. |
עס איז דאָ אַ בוך אין שענקל. עס איז נישטאָ קיין בוך אין שענקל. עס זענען דאָ ביכער אין שענקל. עס זענען נישטאָ קיין ביכער אין שענקל.
כּלל
דער אַרטיקל אַ איז פֿאַר אַלע זאַכווערטער פֿון אַלע מינים.
אַ טאָוול, אַ וועלט, אַ בוך
פֿאַר אַ וואָקאַ ל, ווערט דער אַרטיקל אַן.
אַן עפּּל , אַן אויער
דער אַרטיקל אַ האָט נישט קיין מערצאָל.
ער זינגט אַ ליד. ער זינגט לידער.
דער נעגאַטיווער אַרטיקל קיין פֿאַרבײַט דעם אַרטיקל אַ/ אַן אין אַ נעגאַטיוון זאַץ.
אין אַ נעגאַ טיוון זא ץ ווערט געניצט קיין אויך אין מערצאָל.
דער תּלמיד לייענט נישט קיין בוך. דער תּלמיד לייענט נישט קיין ביכער.
| 1 | 2 | 3 |
| ווער | קומט | צום טאָוול? |
| וואָס | רעדן | די שכנים? |
| וווּ | שפּּילן | מיר? |
| וואָסער טאָג | איז | הײַנט? |
| וויפֿל קינדער | לערנען | אין ייִדיש־קלאַס? |
| ווי | איז | דײַן פֿרײַנד? |
כּּלל: סדר פֿון זאַץ
| פֿרעגוואָרט | ווערב | המשך פֿון זאַץ |
סדר פֿון זאַץ: דער געבייגטער ווערב מוז זײַן דער צווייטער איינס אין זאַץ. אין אַ פֿרעגזאַץ איז דאָס פֿרעגוואָרט דאָס ערשטע וואָרט.
1 .דער פּראָנאָם מען, אין איינצאָל דריטע פּּערזאָן האָט דעם באַטײַט פֿון מערצאָל.
2 .דער פּראָנאָם מען: בײַט זיך לויט זײַן אָרט אין זאַץ.
פֿאַרן ווערב קומט מע.
מע לערנט אין שול.
נאָכן ווערב קומט מען.
אין קלאַס רעדט מען.
3.דער פּראָנאָם מען קומט פֿאַר אַ וואָרט וואָס הייבט זיך אָן מיט אַ וואָקאַל אָדער אַ דיפֿטאָנג.
מען איז צופֿרידן.
| אײנצאָל | מערצאָל |
| דאָס אויג דער אויער די גאַס די העפֿט די וועלט דער נומער דער קלאַס דער שמועס דער אַקסל דער טאָוול דאָס בילד דאָס ליד דאָס בוך דאָס מויל די האַנט דער טאָג דער קאָפּ דער זייגער די לעקציע די לערערקע די ספֿרים־שאַפֿע די פּּאָליצע די פֿראַגע דאָס מיידל דאָס שענקל די תּלמידה דער שכן דער פֿענצטער |
די אויגן די אויערן די גאַסן די העפֿטן די וועלטן די נומערן די קלאַסן די שמועסן די אַקסלען די טאָוולען די בילדער די לידער די ביכער די מײַלער די הענט די טעג די קעפּּ די זייגערס די לעקציעס די לערערקעס די ספֿרים־שאַפֿעס די פּּאָליצעס די פֿראַגעס די מיידלעך די שענקלעך די תּלמידות די שכנים די פֿענצטער |
| עס איז נישטאָ קיין + אײנצאָל ווערט | עס איז נישטאָ קיין מיידל אין שול. |
|---|---|
| עס זענען נישטאָ קיין + מערצאָל ווערט | עס זענען נישטאָ קיין מיידלעך אין שול. |
דער- די- דאָס
| דער | די | דאָס |
| אויער אַקסל זייגער טאָג טאָוול משיח נומער פֿרײַנד קאָפּ קלאַס שכן שמועס |
גאַס האַנט העפֿט וועלט לעקציע לערערקע ספֿרים־שאַפֿע פּאָליצע פֿראַגע תּלמידה |
אויג בוך בילד ליד מויל מיידל שענקל |
כּלל
1.יעדער זאַכוואָרט אין ייִדיש איז איינער פֿון די דרײַ מינים: זכר, נקבֿה, אָדער נייטראַל.
2.עס זענען נישט דאָ קיין אַבסאָלוטע כּללים כּדי צו באַשטימען דעם מין פֿון אַ זאַכוואָרט.
דערפֿאַר דאַרף מען לערנען יעדער זאַכוואָרט מיטן אַרטיקל.
| אײנצאָל + ן = מערצאָל דאָס אויג + ן = די אויגן |
| אײנצאָל + ען = מערצאָל דער טאָוול + ען = די טאָוולען |
| אײנצאָל + ס = מערצאָל די פּאָליצע + ס = די פּאָליצעס |
| אײנצאָל + ער = מערצאָל דאָס בילד + ער = די בילדער |
| אײנצאָל + עך = מערצאָל דאָס מיידל + עך = די מיידלעך |
| אײנצאָל - וי איבערקלאַנג + ער = מערצאָל דאָס מויל + ער = די מײַלער |
| אײנצאָל - אָ איבערקלאַנג + ע = מערצאָל דער טאָג = די טעג |
| אײנצאָל = מערצאָל דער פֿענצטער = די פֿענצטער |
| אײנצאָל ל"ק נקבֿה + ות = מערצאָל די תּלמידה = די תּלמידות |
| אײנצאָל ל"ק זכר + ים = מערצאָל דער שכן = די שכנים |
כּּלל
אין מערצאָל ניצט מען דעם אַרטיקל די פֿאַר אַלע מינים.
עס זענען נישט דאָ קיין אַבסאָלוטע כּללים כּדי צו באַשטימען די מערצאָל־פֿאָרמעס פֿון אַ זאַכוואָרט.
דערפֿאַר דאַרף מען לערנען יעדער זאַכוואָרט מיט דער מערצאָל־פֿאָרמע.
L’objectif de cette partie est de faire connaître:
- L'importance de l'étude comme valeur suprême.
- L'éducation des filles autrefois et aujourd'hui.
- Les expressions et chansons sur le thème de l’enseignement.
Proverbe Yiddish
“אייביק לעבן, אייביק לערנען”
“אייביק לעבן, אייביק לערנען”
באַטײַט: דאָס ווערטל דריקט אויס די ווערט פֿון התמדה אין לימוד - La vie éternelle s'acquiert par la persévérance dans l'étude
La persévérance dans l'étude - די התמדה אין לימוד
"אויפֿן פּריפּעטישיק"מאַרק וואַרשאַווסקי
La chanson: Oyfn Pripetchik
Paroles: אויפֿן פּריפּעטישיק
אויפֿן פּריפּעטשיק ברענט אַ פֿײַערל
און אין שטוב איז הייס,
און דער רבי לערנט קליינע קינדערלעך
דעם אַלף־בית.
רעפֿרען:
“אויפֿן פּריפּעטשיק”מאַרק וואַרשאַווסקי
Extrait d’un discours du Rebbe de Loubavitch - אַ שׂיחה פֿון ליובאַוויטשער רבין
אַ שׂיחה פֿון ליובאַוויטשער רביןExtrait d’un discours du Rebbe de Loubavitch
שׂיחה פֿון ליובאַוויטשער רבין - אויפֿן פּריפּעטשיקExtrait d’un discours du Rebbe de Loubavitch
רבותינו נשׂיאנו האָבן געשטורעמט אַז מען זאָל לערנען אותיות בפֿני עצמן, און די נקודות בפני עצמן.
און דערנאָך זיי מחבר זײַן ביחד בלימוד שלאחרי זה.
ושלא כּדעת הטועים אַז זיי רעכענען אַז דאָס האַלט אָפּ די ידיעות התּלמיד והתּלמידה וכו', נאָר ווי רבותינו נשׂיאנו האָבן מבֿאר געווען ומסביר געווען דאָס איז פֿאַרבונדן מיט נתינת התּורה מסיני.
און ווי דער פּרדס ברענגט אויכעט אַראָפּ אַז דאָס אַלץ למשה מסיני.
Allons plus loin !
| באַטײַט | וואָרט בײַ וואָרט | אויסדרוק |
| Entreprendre un projet irréalisable | Apprendre la danse à un ours | לערנען ווי אַ בער טאַנצן |
| Etudier progressivement | Étudier comme un petit enfant | לערנען ווי אַ קליין קינד |
בשעת ייִנגלעך האָבן זיך געלערנט אין חדרים און ישיבֿות, איז פֿאַר מיידלעך, אין יענער צײַט נישט געווען קיין פֿאָרמאַליזירטער סיסטעם פֿון ייִדישער דערציִונג.
אַ חדר פֿאַר מיידלעך אין לאַסקערעוו, פּוילן די רביצין לערנט די מיידלעך לייענען. די שיטה איז געווען:
די "בית־יעקבֿ" שולנעץ איז געגרינדעט געוואָרן אין 1917, ווען אַ נייטאָרין אין קראָקע, שׂרה שנירער, האָט באַמערקט, אַז צוליב דעם וואָס עס זענען נישטאָ קיין ערטער וווּ מיידלעך קענען זיך לערנען תּורה, זענען אַ סך פֿון זיי געפֿאַלן אַ קרבן פֿון אַסימילאַציע. מיט דער הסכּמה פֿונעם באַרימטן רבֿ, דעם חפֿץ־חיים, האָט שנירער אויפֿגעשטעלט די ערשטע לערן־אינסטיטוציע, וווּ מיידלעך קאָנען זיך לערנען סײַ תּורה, סײַ וועלטלעכע לימודים אין אַ ייִדישער סבֿיבֿה.
דערצו האָט שׂרה שענירער באַקומען הסכּמות פֿונעם בעלזער רבין און גערער רבין.
בית־יעקבֿ האָט געשטרעבט אַז זייערע תּלמידות זאָלן ווערן לערערקעס און ווײַטער פֿאַרשפּּרייטן די בית־יעקבֿ־ווערטן.
מיטן ציל צו אויסשולן לערערקעס זענען אויך אָרגאַניזירט געוואָרן הויכע לימודים, "בתי־מדרשים" מיט אַ דרײַ־יעריקער פּראָגראַם.
הײַנט צו טאָג זענען בית־יעקבֿ־שולן פֿאַרשפּרייט איבער דער גאַנצער וועלט.
- L’objectif est de vérifier l'intégration du vocabulaire, de la grammaire et de l'expression orale.
- Les apprenants travaillent individuellement en temps limité.
- Corriger les activités en classe.
- Ces activités permettront de réviser des points lexicaux, grammaticaux ou socioculturels.
Cliquez sur le lien ci-dessous pour télécharger le Dobble au format pdf
Cliquez sur le lien ci-dessous pour télécharger cette page d'exercices au format pdf