Hanoucca: Bnei-Yissochor - חנוכּה: בני־ישׂשׂכר

רבי הערש־מלך איז נפֿטר געוואָרן י"ח טבֿת תּר"א, אין עלטער פֿון זיבן און פֿופֿציק יאָר.

פֿאַרפֿאַסט זייער אַ סך ספֿרים.

צווישן זיי:

• אגרא־דכּלה ־ על התּורה
• אגרא־דפּרקא ־ שנ"ב ענינים
• אַּזהרות מהרצ"א ־ מוסר
• בני־ישׂשׂכר ־ שבת, מועדים, חודשי־השנה
• דרך־פּקודיך ־ על תּרי"ג מצוות
• טעמי־המצות

“ספֿר "בני־ישׂשׂכר

דער ספֿר בני־ישׂשׂכר איז אויסגעשטעלט לויטן ייִדישן לוח: שבת און יום־טובֿים.

די דרשות קלערן אויף דעם מהות פֿונעם חודש, זײַן מזל און דעם שבֿט וואָס איז מיט אים פֿאַרבונדן, על־פּי קבלה.

די חדשים כּסלו־טבֿת זענען דער עיקר געווידמעט דעם יום־טובֿ חנוכּה ווײַל דער מחבר האָט געפֿילט אַ טיפֿע גײַסטיקע דערהויבנקייט אין אָט דעם יום־טובֿ.

דער נאָמען פֿונעם ספֿר נעמט זיך פֿון אַ פּסוק אין דבֿרי־הימים א' יב'/ לב' :

וּמִבְּנֵי יִשָּׂשׂכָר יוֹדְעֵי בִינָה לָעִתִּים לָדַעַת מַה יַּעֲשֶׂה יִשְׂרָאֵל....

טײַטש: און די קינדער פֿון ישׂשׂכר, די וואָס האָבן זיך פֿאַרשטאַנען אויף די צײַטן, צו וויסן וואָס ישׂראל דאַרף טאָן...

צווישן די קרובֿים און תּלמידים ווערט צוגעגעבן נאָך אַ טעם, דער חוזה פֿון לובלין זאָלן אים האָבן געזאָגט אַז שורש נשמתו איז פֿון שבֿט ישׂשׂכר.