Chavouot: Ahavas Yisroël - שבֿועות: אַהבֿת־ישׂראל

דער הייליקער בעש"ט זאָגט צו זײַן חסיד: הער!
ליב האָבן אַ ייִד נישט קוקן ווער,
ווי אַזוי ער גייט, ווי אַזוי ער שטייט,
ליב האָבן אַ ייִדן, מ'מוז
ווײַל ברענגען די גאולה קען נאָר ער!

ליב האָבן אַ ייִד אין יעדן מצבֿ,
דער ראָש־הקהל, מוהל, צי דער קצבֿ,
וועט דער טאַטע געבן פֿאַר אונדז קינדער,
זײַן וווּנדער,באַזונדער,
פֿאַר יעדן האַנט בײַ האַנט.

געזונט, פּרנסה, נחת אָן אַ צאָל ווען ס'איז דאָ אַהבֿת־ישׂראל,
און מיט ליבשאַפֿט וועט מען אונדז באַלוינען, 
באַקרוינען, צו וווינען, צוריק אין אונדזער לאַנד.

ר' איציקל פֿון וווּרקע זאָגט אונדז אין אַ שמועס
ווען צוקער ווערט צעלאָזט דאַן ווערט עס זיס,
אַזוי אַ ייִד ־ די זעלבע זאַך,
מבֿטל זײַן פֿאַר אַ יעדן גלײַך,
מתיקות מיט אַהבֿה זיך צעגיס.

דער רבי פֿון לובלין זאָגט אַז דער תּנא אלוקי ־
די סודות פֿון ר' שמעון בר־יוחאי,
איז אַלץ נאָר ווײַל די גרויסע לײַט,
צו יעדן ביטול נאָר געהאַט,
דערפֿאַר אַזוי געשטיגן האָבן זיי.

ליב האָבן אַ ייִד אין יעדן מצבֿ,
דער ראָש־הקהל, מוהל, צי דער קצבֿ,
וועט דער טאַטע געבן פֿאַר אונדז קינדער,
זײַן וווּנדער, באַזונדער, פֿאַר יעדן האַנט בײַ האַנט.

געזונט, פּרנסה, נחת אָן אַ צאָל,
ווען ס'איז דאָ אַהבֿת־ישׂראל,
און מיט ליבשאַפֿט וועט מען אונדז באַלוינען, 
באַקרוינען, צו וווינען,
אין אונדזער הייליק לאַנד, (צוריק אין אונדזער לאַנד).