Hanoucca: Le Czernovitzer - Rabbi 'Hayim Tirer
חנוכּה: דער טשערנאָוויצער - רבי חיים טירער

ער האָט געפּסקנט די עלטערן זאָלן נישט שיקן זייערע קינדער אין די מלוכישע שולן און צוליב דעם געמוזט אויפֿגעבן דעם כּיסא-הרבנות און פֿאַרלאָזן די שטאָט טשערנאָוויץ.
אַ צײַט געדינט אַלס רבֿ אין פֿאַרשידענע שטעט ביז ער איז אין יאָר תּקע״ג אָנגעקומען אין ארץ-ישׂראל און זיך באַזעצט אין צפֿת.
דאָרטן איז ער נפֿטר געוואָרן כּ"ז כּסלו תּקע"ז.
מען פֿלעגט אים רופֿן "איש-השבת" ווײַל פֿון מיטוואָך אָן, פֿלעגט ער זיך אַרומדרייען צווישן די קלייטן און זוכן צו אײַנקויפֿן געשמאַקע מאכלים אויף שבת.

די וועלט דערציילט אַז דער באר-מים-חיים איז געווען יעדער שבת-קודש מיט צוויי קעפּ העכער ווי אַ גאַנצע וואָך, מע פֿלעגט אים זען ערבֿ-שבת איידער ער איז געגאַנגען אין מקוה, און ווען ער איז צוריקגעקומען פֿון מקוה, האָט ער אויסגעזען ממש ווי אַ צווייטער מענטש, סײַ מיט זײַן הייך און סײַ מיט זײַן געשטאַלט.

ער האָט מחבר געווען די ספֿרים:

• "באר-מים-חיים" על התּורה, דרושים אויף דער סדרא פֿון דער וואָך על-פּי הסוד.
• "סידורו של שבת" , דרשות וועגן שבת.
• "שער-התּפֿילה" , אויף די צען לשונות פֿון תּפֿילה און די כּוונות פֿונעם דאַווענען.
• "ארץ-החיים"דרושים אויפֿן תּנך.